DYSHJA LAVINE&WHITE ME REKORD NË NBA

Prishtinë(AsistiOnline) – Ishte festival i tresheve në Chicago me Bullsat që triumfuan 129-116 përballë New Orleans Pelicans. Dhe pikërisht nga treshet u regjistrua një rekord për herë të parë në histori të NBA.

Zach LaVine me 9 treshe të shënuara dhe Coby White me tetë treshe janë bërë basketbollistët e parë që shënojnë mbi 8 tripikësha në një ndeshje nga e njëjta skuadër.

Poashtu Zach LaVine me 46 pikë dhe Coby White me 30 pikë të shënuara janë bërë dyshja e dytë në histori të Bullsave që shënojnë mbi 75 pikë në tri ndeshje rradhazi, pas Jordanit e Scottie Pippen që e kanë arritur këtë sukses me 6 ndeshje rradhazi. 

Përndryshe nata u mbyll edhe me rekordin e Chicago Bulls që kanë shënuar plotë 25 treshe duke u ngjitur në vendin e katërt në tabelën e skuadrave me më së shumti tri pikë të shënuara në një takim.

/AsistiOnline.com/