BASHKIMI E FITON DERBIN NDAJ PRISHTINËS NË ELITËN E FEMRAVE

Prishtinë(AsistiOnline) – Bashkimi iu është revanshuar Prishtinës për disfatën në finale të Kupës, duke e mposhtur sonte në ndeshjen e vlefshme për kampionat.

Vashat prizrenase kanë arritur që sonte në shtëpi të triumfojnë përballë Prishtinës me rezultatin final të sfidës që ishte tejet interesante, 89-80.

Duhet cekur se skuadra e Bashkimit arriti ti fitojë tre çerekët e parë të ndeshjes(24-16, 21-19, 31-26), përderisa Prishtina e fitoi periodën e fundit(13-19), por ishte e pamjaftueshme për fitore dhe kështu ekipi portokallinjë iu gëzua fitores së merituar në fund.

Basketbollistet më të dalluara në triumfin e Bashkimit sonte ishin, Lejzae Davidson me 30 pikë, Saranda Daci me double-double(25pk, 13krc) dhe Aisha Balarabe me 13 pikë

Te Prishtina që luajti pa Irma Konjushën, s’mjaftuan për fitore: Alexis Tolefree me 22 pikë, Era Shatri me 17 pikë, si dhe Enxhi Xhanaj e Enisa Kamerolli me nga 12 pikë.

Pas xhiros së 13-të, Bashkimi kryeson renditjen tabelare me 25 pikë, 12 fitore e vetëm 1 humbje. Ndërsa, Prishtina mbetet e 3-ta me 21 pikë, 8 fitore e 5 humbje.

Në xhiron e ardhshme, Bashkimi takohet me Kastriotin e Prishtina e pret Penzën.

/AsistiOnline.com/