DARDANI EDHE SOT TRAJNER TE PEJA!

Prishtinë(AsistiOnline) – Kapiteni i skuadrës së Pejës, Dardan Berisha edhe sot do ta ushtrojë rolin e trajnerit te skuadra verdhezi.

Pas infekimit me virusin COVID-19 të trajnerëve, Dragan Radoviç dhe Petrit Zeqiri, skuadra e Pejës ka mbetur pa trajner që prej dy javësh dhe në duelin e fundit me Rahovecin, por edhe sonte me Ponte Prizrenin, ekipi pejan po drejtohet nga basketbollisti, Dardan Berisha.

Të kujtojmë se te Peja në rosterin ekipor, mungon pikërisht Dardan Berisha pas lëndimit që e kishte pësuar disa xhiro më parë i cili ka tërhequr muskulin e këmbes dhe ende nuk dihet data e saktë e rikthimit të tij. Kjo pritet të jetë mungesa kryesore e pejanëve sonte.

Te Ponte Prizreni nuk pritet të ketë mungesa në duelin e sontëm ndaj Pejës.

Sfida nisë nga ora 18:00 dhe transmetohet direkt në Art Sport 1.

/AsistiOnline.com/