PEJA APO TREPÇA KA AVANTAZH NË DUELET E SIVJETME MES VETE?
Prishtinë(AsistiOnline) – Peja dhe Trepça përballen sot në kuadër të xhiros së 26-të në Superligën e Kosovës dhe kjo ndeshje cilësohet si derbi i javës.
Në duelet e ndërsjella sivjet, Peja dhe Trepça janë takuar 3 herë, ku pejanët kanë 2 fitore, ndërsa mitrovicasit 1 të tillë.
Peja e ka mposhtur Trepçën në xhiron e pestë 58-72 ku kishte shkëlqyer Dardan Berisha me 18 pikë, 9 kërcime e 8 asiste, ndërsa te Trepça s’kishte mjaftuar, fundori tash i larguar Kalin Fisher me 19 pikë.
Pastaj, Peja e kishte mposhtur Trepçën edhe në xhiron e 12-të me rezultat, 74-64 e ku ishte dalluar Marko Peroviqi me double-double(26pk 10krc) e te Trepça ishte dalluar, Tramaine Isabell me 19 pikë edhe ky tashmë i larguar.
Ndërsa në duelin e xhiros së 19-të, ku Trepça kishte arritur fitore ndaj Pejës me rezultat të thellë 110-91, për mitrovicasit u patë dalluar, Ivan Koljevici tash i larguar nga ekipi me double-double(33pk, 10ast) e i ndihmuar edhe nga Drilon Hajrizi që kishte realizuar 32 pikë ndaj ish-skuadrës. Te Peja ishte dalluar, Dion Dixoni poashtu i larguar nga pejanët me 34 pikë e 8 asiste.
/AsistiOnline.com/
Komentet janë të mbyllura.