PËRMBYSJE E MADHE E BAYERNIT, DËRGON SERINË NË NDESHJEN E 5-TË

Prishtinë(AsistiOnline) – Edhe Bayerni i Mynihut e ka barazuar serinë çerekfinale të Euroligës ndaj Milanos italiane.

Bavarezët kanë triumfuar në ndeshjen e dytë rresht, duke e shfrytëzuar maksimalisht terenin vendas dhe duke e dërguar serinë në ndeshjen e pestë.

Në këtë duel, Milano ishte duke udhëhequr në pjesën më të madhe të kohës dhe rikthimi i madh i vendasve erdhi tek në 5 minutat e fundit me 3 shënimet nga vija e gjuajtjeve të lira nga Vladimir Lucic të cilat ia fituan ndeshjen Bayernit 85-82.

Wade Baldwin me 18 pikë dhe Paul Zipser me 16 sosh, ishin dy individët më të dalluar në fitoren e Bayernit sonte, pa e harruar edhe Lucicin që shtoi 12 sosh.

Te Milano s’mjaftuan për fitore, Malcolm Delaney me 28 pikë e as Shavon Shields me 17 sosh.

Me këtë triumf, Bayerni e dërgon serinë çerekfinale me Milanon në ndeshjen e pestë, pasi tash kemi barazim të saj në 2-2.

/AsistiOnline.com/