CAKTOHET ORARI I NDESHJES SË PARË FINALE, PEJA – YLLI!

Prishtinë(AsistiOnline) – Gjatë ditës së nesërme pritet të startojë seria finale e Superligës së Kosovës te meshkujt mes Pejës dhe Ponte Prizrenit.

Dy klube që përfaqësohen me ngjyrat e fanelave verdhezi, do të takohen në këtë finale të madhe e cila pritet të jetë seri e jashtëzakonshme.

Golden Eagle Ylli arriti në këtë finale, pas mposhtjes në gjysmëfinale ekipin e Rahovecit me bilanc të përgjithshëm të serisë 2-3 (edhe pse nuk e kishte epërsinë e terenit vendas).

Peja u kualifikua në finale pas vendimit të FBK-së, për eliminimin e Ponte Prizrenit nga garat, si pasojë e një incidenti mes dy ekipeve në ndeshjen e fundit të serisë e cila u regjistrua me rezultat zyrtar në favorin e Pejës (0-20) dhe kjo e fundit u kualifikua në finale (2-3).

Në këtë seri finale, Peja do ta ketë avantazhin e terenit vendas për faktin se në gjysmëfinale e mposhti liderin e stinorit të rregullt, Ponte Prizrenin.

Ndeshja e nesërme fillon nga ora 20:15 dhe transmetohet direkt në ArtMotion e si zakonisht rezultatin pas çdo çereku, por edhe raportin final të ndeshjes do të mund ti gjeni në portalin e vetëm shqiptar, dedikuar ekskluzivisht basketbollit – AsistiOnline.com

/AsistiOnline.com/