THYHET NJË REKORD NË NDESHJEN CLIPPERS-DALLAS, SERIA KALON NË PËRBALLJEN E SHTATË

Prishtinë(AsistiOnline) – As ndeshja e gjashtë nuk mjaftoi që të mësojmë fituesin e serisë në mes skuadrave të pozitave 4 dhe 5 të perëndimit, LA Clippers dhe Dallas Mavericks. Këtë herë në “American Airlines Center” të Dallasit në Teksas triumfues dolën mysafirët e Clippers me rezultatin 104:97 duke barazuar kështu serinë në 3-3 dhe duke bërë të nevojshëm duelin e shtatë dhe final.

Kawhi Leonard ishte padyshim pika më e fortë e skuadrës së LA Clippers, pasi arriti ta barazojë rekordin e tij të pikëve në playoff duke shënuar hiq më pak se 45 pikë, nga të cilat 42 i realizoi në çerekët 2,3 dhe 4 sepse në të parin arriti të shënoj vetëm 3 pikë. Nga ana tjetër Donçiq luajti mirë dhe regjistroi double-double prej 29 pikë dhe 11 asistime, por pa mundur dot ta shtyjë skuadrën e tij drejt fitores.

Përndryshe kjo ndeshje do të mbahet mend gjatë nga librat e rekordeve në NBA, pasi u thye një rekord tejet interesant. Kjo ishte hera e parë në histori që në një seri të playoffit gjashtë ndeshje radhazi fitohen nga skuadrat mysafire.

Ndeshja e shtatë dhe vendimtare luhet të dielen me fillim nga ora 21:30 dhe transmetohet live dhe ekskluzivisht në Art Sport 1.

/AsistiOnline.com/

https://www.youtube.com/watch?v=SskOC86Hrsc