EKSKLUZIVE: SEMSETTIN BAS AFËR POSTIT TË TRAJNERIT TE PEJA!

Prishtinë(AsistiOnline) – Skuadra e Pejës duket se në stinorin e ardhshëm do të ketë një ekip edhe më konkurues se ky edicion që lamë pas.

Nga burime të afërta me klubin e Pejës, AsistiOnline.com ka mësuar ekskluzivisht se verdhezinjët janë afër marrëveshjes së bashkëpunimit me një trajner shumë ambicioz dhe të dëshmuar në udhëheqje.

AsistiOnline.com ka mësuar se pejanët pritet që sivjet në krye të ekipit ta emërojnë ish-trajnerin që i kishte drejtuar edhe vitin e kaluar për pak kohë, turkun me eksperiencë të madhe sidomos si lojtar, Shemsetin Bash e kjo marrëveshje sipas po të njëjtave burime tashmë është punë e kryer.

Gjithnjë sipas burimeve të afërta me verdhezinjët, Bash ka kërkuar ti ketë duart e lira te Peja në mënyrë që të ndërtojë vet ekipin për stinorin e ri, nëse veç konfirmohet si trajner i klubit.

48 vjeçari nga Stambolli i Turqisë ka një karrierë tejet të pasur si lojtar, duke performuar edhe në Euroligë me ekipin e Turk Telekomit gjatë edicionit 2004/05, ndërsa si trajner ka udhëhequr me Bursaporin(Turqi), Voluntarin(Rumani) dhe Pejën së fundmi.

/AsistiOnline.com/