FENERI KOMPLETON TRANSFERIN E TRETË!

Prishtinë(AsistiOnline) – Skuadra e Fenerbahçes e ka kompletuar edhe transferin e tretë për edicionin e ardhshëm, pas një stinori katastrofal që la pas.

Pas Devin Booker nga Khimki dhe Ismet Akpinarit nga Hamburgu, Fenerbahce ka njoftuar sot se ka kompletuar nënshkrimin edhe me basketbollistin kanadez, Marial Shayok.

Shayok, 25 vjeç, bëri bujë në sezonin e tij të parë jashtë vendit(2020-21). Ai u bashkua me ekipin tjetër turk, Bursaspor në janar dhe pati mesatare prej 18.9 pikëve, 6.9 kërcimeve dhe 4.2 asistimeve për ndeshje gjatë 12 paraqitjeve në elitën e Turqisë.

Gardiani kanadez u përzgjodh me zgjedhjen e 54-të të përgjithshme të draftit të 2019-tës në NBA nga Philadelphia 76ers.

Shayok bëri katër paraqitje në NBA dhe pastaj luajti në G League me ”Delaware Blue Coats”, para se të kalonte në Bursaspor gjatë edicionit që lamë pas.

/AsistiOnline.com/