CHRIS PAUL PRITET TË RIKTHEHET SONTE, POR LEONARD…?

Prishtinë(AsistiOnline) – Njëri prej lojtarëve kryesorë te Phoenix Suns, Chris Paul po planifikon të kthehet sonte në ndeshjen e tretë finale me Clippers.

Phoenix Suns mund ta rikthejnë Chris Paul në ndeshjen e tretë kundër Los Angeles Clippers. Sipas, Chris Haynes të Yahoo Sports dhe NBA TV, Paul e ka kaluar lëndimin nga i cili ankonte dhe tash ndihet plotësisht i gatshëm.

Phoenix arriti të fitojë dy ndeshjet e para finale të Konferencës Perëndimore ndaj Clippers dhe padyshim që shpreson të kalojë në finalen e përgjithshme, sidomos me rikthimin e Chris Paulit në roster.

Para se të lëndohet, Paul po kalonte në formë të lartë me Suns dhe luante me mesatare prej 15.7 pikëve, 8.7 asistimeve dhe 4.1 kërcimeve.

Në anën tjetër te Clippers, Kawhi Leonard është lajmëruar edhe zyrtarisht jashtë parketit së paku për ndeshjen e tretë.

/AsistiOnline.com/