PRISHTINA RIKTHEHET NË BIBL
Prishtinë(AsistiOnline) – Skuadra më e trofeshme kosovare, Sigal Prishtina e ka konfirmuar sot rikthimin në Ligën Ballkanike.
Ekipi prishtinas nëpërmjet një njoftimi në faqen zyrtare, ka njoftuar se në edicionin e r do të jetë pjesë e garës të cilën e ka fituar dy herë në histori.
”Pas katër vitesh mungesë, Sigal Prishtina në krye me Presidentin Burim Maraj ka vendosur që të rikthehet aty ku kishte sunduar vite më parë, në Balkan League.
Ishin pikërisht Balkan League dhe zotëri Shtriks ata që të parët i hapën dyert Prishtinës dhe basketbollit të Kosovës për pjesëmarrje historike në garat ndërkombëtare.
SIGAL Prishtina si kampione e dyfishtë e kësaj gare është njëkohësisht një ndër skuadrat me të suksesshme dhe këtë edicion qe po vjen padyshim se do t’i jap kualitet dhe popullaritet më të madh këtij kompeticioni. Kampionët e Ballkanit, u rikthyen”, thuhet në njoftimin e prishtinasve.
/AsistiOnline.com/
Komentet janë të mbyllura.