TY NICHOLS PËRSËRI NË BASKETBOLLIN E KOSOVËS

Prishtinë(AsistiOnline) – Basketbollisti amerikan, Ty Nichols pritet të rikthehet në basketbollin e Kosovës përsëri.

Fundori 190 centimetërsh pritet të jetë pjesë e Prizrenit 16, përkundër se kishte nënshkruajtur me kampionen e Shqipërisë, Teutën e Durrësit.

Ai në edicionin që lamë pas u paraqit me Vëllaznimin e Gjakovës ku në 9 ndeshje të zhvilluara pati mesatare prej 17.7 pikëve, 6.2 asisteve e 4.2 kërcimeve për ndeshje.

Të kujtojmë se Nichols u paraqit me Ponte Prizrenin edhe në edicionin pandemik(2019/20) duke mbyllur sezonin në TOP-10 koshashënuesit më të mirë të ligës me mesatare prej, 19.9 pikëve për ndeshje.

Në stinorin vjeshtor të stinorit(2020/21), Nichols luajti poashtu te Ponte Prizreni me mesatare prej 15.7 pikëve, 7.1 asisteve e 4.0 kërcimeve për ndeshje.

/AsistiOnline.com/