MIKI GRBAVCEVIC EMËROHET NË KRYE TË KËSAJ SKUADRE KOSOVARE
Prishtinë(AsistiOnline) – Trajneri malazez, Miki Grbavcevic është rikthyer përsëri në basketbollin e Kosovës.
Tekniku malazez është emëruar trajner i skuadrës tjetër prizrenase, KB Junior 06 që garon në Ligën e parë të femrave.
Lajmin për afrimin e Grbavcevicit te prizrenasit e ka kumtuar vetë klubi në fjalë.
”Pas paralajmërimit për mundësinë e ardhjes së trajnerit të njohur malazez, sot kjo u zyrtarizua. Trajneri Grbavcevic dhe drejtuesit e KB “Junior 06” kanë arritur marrëveshjen për një kohë të pacaktuar. Trajneri malazez do të angazhohet në ngritjen e cilësisë së lojës dhe të lojtarëve, ndërkohë angazhimi i tij do të përqëndrohet edhe në punën individuale me talentet e shumta të këtij klubi. “Ardhja e këtij eksperti do të thotë shumë jo vetëm për klubin tonë, por edhe për qytetin e Prizrenit. Do të kemi ngritje të cilësisë tekniko-taktike të lojës, sukses në garat që na presin dhe punë e cilësi për individë”, ka thënë drejtori i KB “Junior 06”, Ramush Rushiti.
Grbavcevic stinorin e kaluar e drejtoi ekipin tjetër prizrenas, Bashkimin që garon në Superligën e femrave.
/AsistiOnline.com/
Komentet janë të mbyllura.