ASISTI 456: SUPER I PASUR

(AsistiOnline.com) – Asisti 465 sonte në Artmotion dhe Klan Kosova sjell mysafirët ekskluziv dhe deri tash të paftuar në asnjë TV, fitueset e Superkupës së Kosovës për Femra, përfaqësuesit e KBF Penza, drejtuesit e Sigal Prishtinës që flasin për rikthimin në Ligën Ballkanike sivjet të quajtur Delasport Balkan League, si dhe zyrtarë të Ligës Unike para fillimit të edicionit që pritet të jetë shumë interesant dhe atraktiv, në të dyja konkurrencat, femra e meshkuj.

Asistuesit tuaj basketbollistik në Artmotion dhe Klan Kosova, Agon Fehmiu dhe Ulpiana Emra, këtë të hënë sjellin edhe një aksoni shumë të pasur basketbolli me premier nga ora 21:00 në Art Sport 1 dhe pasmesnate në kanalin televiziv Klan Kosova

Mysafirë special në pjesën e parë janë trajneri i Penzës, Bujar Loci dhe kapitenia e skuadrës Valbona Bytyqi që rrëfejnë rreth organizimit të klubit, ndeshjeve dhe Superkupës së fituar si dhe planet për Ligën Unike dhe Superligën e Kosovës.

Ndërkohë, drejtori i Ligës Unike, Dren Zatriqi dhe kryetari i Sigal Prishtinës Burim Maraj flasin në prag të startit të dy garave madhore, Ligës Unike respektivisht Ligës Ballkanike.

Plus, pjesa e tretë sjell edhe shumë më tepër: fillimisht, analizën komplete të xhiros së pestë të Artmotion Superligës me raporte, statistika, 5-shen dhe MVP-in e Javës, pastaj  fillimin e Superligës së Femrave dhe Ligës së Parë të Kosovës ndërsa nuk do të mungojnë as kronikat ekskluzive për ABA dhe Euroleagu, rubrika speciale e emisionit, Shqiptarët në Botë që ju informon me paraqitjen e lojtarëve tanë kudo në Evropë dhe botë, si dhe ajka e basketbollit botëror: NBA në Asist

Shumë shumë kënaqësi dhe bukuri basketbolli ju sjell ASISTI, nga ora 21:00 në Art Sport 1 dhe dhjetë minuta pas mesnate në Klan Kosova, mos e humbisni kurqysh!