WHITE E MAXWELL SHKËLQEJNË, PEJA PËRKOHËSISHT LIDERE NË UNIKE

Prishtinë(AsistiOnline) – KB Peja e ka mbyllur stinorin vjeshtor të Ligës Unike me fitore të thellë.

Verdhezinjët e kanë mposhtur thellë Rahoveci në ”Karagaç” me rezultatin final 122-88.

Realisht dueli nuk kishte ndonjë histori interesante edhe pse ishte cilësuar si derbi, por Peja që nga çereku i parë krijoi epërsi të thellë(39-20, 19-19, 30-29, 34-20) e deri në fund vetëm e kontrolloi atë për të korrur fitore.

Tyrone White ishte mëse fantastik dhe enigmë e pazgjidhur për Rahovecin sonte me 44 pikë, 7 asiste e 4 kërcime, gjersa u ndihmua edhe nga Stephen Maxwell me double-double 34 pikë e 11 kërcime, si dhe Arian Qallaku e Dardan Berisha që shtuan nga 12 pikë.

Te Rahoveci lojë të mirë treguan, Cavon Baker që kishte 24 pikë e Ameer Jackson që shtoi 21 sosh.

Pas mbylles së edicionit vjeshtor në Ligën Unike, Peja renditet e para me 5 fitore, 2 humbje e 12 pikë, së paku deri në duelin e nesërm, Ylli – Prizreni 16. Ndërsa, Rahoveci e mbyll si i 6-ti me 2 fitore e 5 humbje dhe 9 pikë.

Stinori pranveror i Ligës Unike rifillon me 15/16 janar 2022.

/AsistiOnline.com/