EKSKLUZIVE: YLLI AFER MARREVESHJES ME KETE QENDER TE FUQISHME

Prishtinë(AsistiOnline) – Përkundër formës së mirë që e tregoi në start të stinorit pranveror, Golden Eagle Ylli pritet të përforcohet edhe më shumë në skuadër për ti arritur synimet e veta.

Sipas asaj që ka mësuar ekskluzivisht AsistiOnline.com, therandasit tashmë janë në biseda të avancuara me një qendër të fuqishme dhe cilësore.

Makol Mawien është emri i lojtarit që me shumë gjasa pritet të zbarkojë në Therandë gjatë këtyre ditëve.

Basketbollisti në fjalë është i gjatë 206 centimetra dhe luan në pozitën tipike 5.

Në edicionin aktual që po zhvillohet, Mawien ka luajtur te skuadra nga elita e Arabisë Saudite ”Al Nasr”, por që si duket oferta e Yllit do jetë e parezistueshme për të.

Te ekipi i Al Nasrit që gjendet në pozitën e dytë, Mawien është individi më i dalluar me double-double mesatare, 21.1 pikë e 13.4 kërcime për ndeshje.

Përpos Arabisë Saudite, lojtari ka përvojë edhe në SHBA, Bullgari dhe Finlandë.

/AsistiOnline.com/