KUPA E KOSOVËS ME FAT PËR PRIZRENIN, TRI EKIPE TË TYRE NË FINALE

Prishtinë(AsistiOnline) – Kupa e Kosovës që po luhet sivjet në qytetin e Pejës, duket se është me fat për klubet e basketbollit nga qyteti i bukur i Prizrenit.

Tri skuadra nga kjo komunë janë kualifikuar në finale të kësaj gare prestigjioze të basketbollit të Kosovës.

Bashkimi në konkurencën e femrave, New Basketi i Ligës së parë e së fundi edhe Bashkimi në konkurencën e meshkujve i kanë arritur finalet e mëdha.

Fillimisht KBF Bashkimi e mposhti Penzën të mërkurën 77-80, duke u kualifikuar në finalen e femrave. Ndërsa ditën e sotme skuadra e New Basketit e mposhti Vushtrrinë 85:71 dhe u kualifikua në finalen e Ligës së parë.

E krejt në fund sonte në mbrëmje në finale u kualifikua edhe KB Bashkimi te meshkujt nga Superliga, pas fitores së madhe ndaj Golden Eagle Yllit me rezultat 72-78.

Mbetet të shihet të dielën se sa do të jenë në gjendje ekipet e lartëcekura që ti fitojnë këta trofe.

/AsistiOnline.com/