KBF BASHKIMI VAZHDON FORMËN FANTASTIKE, TRIUMFON THELLË NDAJ PRISHTINËS

Prishtinë(AsistiOnline) – KBF Bashkimi e ka vazhduar formën fantastike në stunorin pranveror.

Vashat prizrenase sonte triumfuan thellë 65-87 në udhëtim te Prishtina në derbin e xhiros 8 në Ligën Unike.

Edhe pse ishte cilësuar si ndeshja më interesante e xhiros në realitet nuk ndodhi kështu, sepse ekipi i Bashkimit e kontrolloi gjithë ndeshjen, duke fituar të gjitha periodat e ndeshjes (14-29, 14-16, 18-21, 19-21).

Pothuajse komplet pesëshja startuese e Bashkimit sonte realizoi pikë dyshifrore, D’asia Chambers (28, prej tyre 6/8 për treshe), Monique Coker (21), Sara Vraniqi (16) dhe Era Shatri (11).

Te Prishtina u dalluan, Arbnore Përçuku e Marigona Rushiti me nga 13 pikë, si dhe Agnesa Rrahmani e Sarah Mgbeike me nga 12 sosh secila.

Pas xhiros 8 te Liga Unike, Bashkimi tash ka 5 fitore e 3 humbje. Ndërsa edhe Prishtina ka 4 fitore e 3 humbje.

Në xhiron e ardhshme, Bashkimi i shkon Flamurtarit e Prishtina luan ndaj Partizanit.

/AsistiOnline.com/