BARCELONA FITON NË STAMBOLL, BARAZON SERINË NDAJ EFESIT

Prishtinë (AsistiOnline) – Barcelona ka shënuar fitore të madhe sonte në Stamboll ndaj Efesit duke barazuar serinë e ”Play Off”it në 1-1.

Katalunasit kanë shënuar fitore minimale sonte në udhëtim tek Efesi(72-74). Gjersa kanë barazuar serinë e fitoreve ndaj turqve.

Barcelona në të dy periudhat e para të ndeshjes ishte më e mirë se vendasit e Anadolu Efesit(16-19, 34-38). Përderisa, në çerekun e tretë Efesi bëri ndeshje më të mirë se Barça, po nuk arriti të merrte epërsinë(59-62). Fitorja e Barcelonës sonte erdhi fare në fund, sepse 1.11 sekonda pa përfunduar loja, Efesi kishte epërsi 1 pikëshe, por me 1 pikë nga Ante Tomicit e 2 pikët e Adam Hangas Barça e fitoi takimin e sontëm ngushtë 72-74.

Për këtë fitore shumë të rëndësishme të Barçës sonte kontribuan, Adam Hanga me 17 pikë, Ante Tomic me 13 sosh, si dhe Thomas Heurtel me 12 sosh.

Tek Efesi nuk mjaftuan për fitore, Shane Larkin me 18 pikë, Vasilije Micic me 15 pikë e as Krunoslav Simon me 14 pikë.

Tashmë seria e ndeshjeve bartet në Spanjë.