SONTE EL CLASICO E BASKETBOLLIT KOSOVAR NË PEJË

Prishtinë(AsistiOnline) – Xhiro 23 e elitës së basketbollit kosovar mbyllet sonte në Pejë.

Super-duel me super-spektakël na pret sonte në ”Karagaç”, ku takohen rivalët e moqëm, Peja dhe Prishtina.

Takimet mes këtyre dy skuadrave kanë qenë gjithmonë interesante dhe kështu pritet edhe në këtë përballje. Pejanët kanë 14 fitore e shtatë humbje, ndërsa prishtinasit 11 fitore dhe 11 humbje.

Në elitë këto dy skuadra janë ndeshur tri herë, ku dy fitore shënuan pejanët dhe një herë prishtinasit. Ndërkohë, verdhezinjtë i kanë eliminuar edhe për Kupë.

Sfida fillon nga ora 19:00 dhe transmetohet direkt në Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/