ASISTI 491 : ÇKA THONË PROTAGONISTËT NË PRAG TË FINAL FOUR TË LIGËS UNIKE

ASISTI 491 : ÇKA THONË PROTAGONISTËT NË PRAG TË FINAL FOUR TË LIGËS UNIKE

Karagaqi në Pejë të mërkurën dhe të enjten do të jetë epiqendër e basketbollit mbarëkombëtarë shqiptar. Katër skuadrat më të suksesshme të pjesës së rregullt të Ligës Unike janë kualifikuar për Final Four dhe çdo gjë është e gatshme për gjysmëfinalet: Golden Eagle Ylli ndaj Teutës së Durrësit, skuadër e cila ia ka shkaktuar disfatën e vetme këtë edicion kampiones aktuale dhe Peja ndaj Prizrenit 16, përballje ku nënkampionia aktuale synon  t’ju revanshohet bardh e zinjve prizrenas për disfatën në gjysmëfinalen e Superkupës së Kosovës.

Sonte në ASISTIN 491 mysafirët special, Urim Zenelaj i Prizrenit 16, Gëzim Morina kapiteni i Golden Eagle Yllit dhe Arbër Elshani drejtori sportiv i Pejës, skuadrës organizatore të kësaj ngjarje flasin për parashikimet dhe detajet e organizimit.

Si çdoherë ASISTI sjell raportet dhe analizat e plota nga xhiroja e parafundit e stinorit të rregullt e Artmotion Superligës ku po vazhdon lufta e madhe për Play Off dhe shmangia nga Play Out.

Vikendi solli ndeshje të bukura dhe dramatike si ato Rahoveci – Ylli dhe Sigal Prishtina – Trepça kurse për adhurues të basketbollit sjellim edhe ndeshjen e rëndësishme të Sigal Prishtinës në Ligën Ballkanike kundër rivalëve bullgarë të Balkan Botevgradit.

• Si e fitoi skuadra e Sigal Prishtinës ndeshjen dramatike?
• Kush ishin më meritoret në suksesin e saj?
• Çfarë ndodhi në “El Clasicon” e basketbollit kosovar?
• Si i fituan Ylli dhe Bashkimi ndeshjet e tyre derbi, dhe çfarë do thotë kjo fitore për këta të fundit?
• Cila ishte pesëshja dhe MVP i javës në ASIST?

Këto dhe shumë të tjera mund t’i mësoni ekskluzivisht në ASISTIN 491 teksa blloku i veçant dhe special “Shqiptarët në Botë” sonte veçon performancat e shkëlqyeshme të Erxhan Osmanit dhe Kenan Spahiut për Beshiktashin

Si zakonisht, ajka vjen në fund. Nga ana tjetër e Oqeanit Atlantik, Play In përfundoi dhe u kompletuan skuadrat pjesëmarrëse të Play Offit i cili gjithashtu startoi dhe krejt këto tregime dhe përmbledhjen nga liga më atraktive e basketbollit botëror do t’i mësoni në kuadër të NBA në ASISTIN 491 i cili natën e mirë do t’ju thotë me TOP 10 AKSIONET E JAVËS.

Gjitha këto dhe shumë më tepër sonte nga ora 21:00 në Art Sport 1 dhe 01:00 pas mesnate në Klan Kosova.