(VIDEO LAJM  ASISTI 498 – PJESA 3) EDON MAXHUNI PO SHKËLQEN EDHE NË BXNT LEAGUE

ASISTIN super special nr. 498 po e përmbyllim me rrugëtimin nëpër parketet ndërkombëtare dhe bllokun shumë të dashur për gjithë ne, Shqiptarët në Botë. Sërish vjen një lajm fantastik nga Holanda ku javën e kaluar Edon Maxhuni u shpall kampion me skuadrën e tij Den Bosch dhe ishte hero i skuadrës të cilës ia ktheu titullin kampion pas 7 viteve por me kaq nuk përfundon shkëlqimi i Edonit sepse ai me shokët e tij po synojnë edhe trofeun e dytë sivjet, atë të Ligës Unike të Holandës dhe Belgjikës (BXNT League). Si kaloi Edoni dhe skuadra e tij Den Bosh në ndeshjen e parë gjysmëfinale kundër Donarit nga Groningeni, skuadër që ne kosovarët e njohim mirë për shkak të përballjeve me Prishtinën në FIBA Champions League dhe FIBA Europe, do ta mësojmë në vazhdim në kuadër të bllokut SHQIPTARËT NË BOTË

NBA: GOLDEN STATE PËR T’IA KALU CHICAGOS SË JORDANIT, BOSTONI PËR TA RIKTHYER PRIMATIN NDAJ LAKERSAVE  

Bllokun e lajmeve ndërkombëtare e vazhdojmë duke fluturuar përtej Oqeanit Atlantik në NBA ku tashmë kanë filluar finalet e NBA. Nga 30 ekipe kanë mbetur vetëm dy që po të luftojnë për unazën e artë 2022: kampionët e Perendimit, Golden State Warriors synojnë titullin e shtatë në histori të klubit me çka do t’ia kalonin Chicago Bullsave të Michael Jordanit që kanë gjithashtu 6 tituj kurse rivalët e tyre, kampionët e Lindjes, Boston Celtics 17 herë kampionët e NBA që e mbajnë rekordin së bashku me Los Angeles Lakers, sivjet kanë rastin që sërish të marrin primatin si skuadra më e suksesshme e gjitha kohëve, nëse e fiton titullin e 18. Si është situata aktuale në serinë finale dhe cilat janë lajmet më interesante që karakterizuan javën që shkoi do ta shohim në kuadër të bllokut NBA në ASIST

TOP 10 AKSIONET NË ASIST

Krejt në fund,  ASISTI 498 sjell TOP 10 aksionet nga ndeshja e fundit e këitj edicioni, finalja e katërt e Play Offit të Artmotion Superligës ndërmjet Trepçës dhe Golden Eagle Yllit. Shikim të këndshëm, kënaquni me bukuri basketbollistike fantastike dhe natyrisht, deri në ASIST-in 499.

ZEMRAT TUAJA LE T’I NGROH DASHURIA E VËRTET PËR BASKETBOLL.