JON ISMAJLI ARRIN NË SHBA, FILLON PUNËN ME TRAJNERIN SHQIPTAR MËRGIM SINA

Prishtinë(AsistiOnline) – Djaloshi i ri dhe i talentuar kosovar, Jon Ismajli tashmë ka arritur në SHBA, për të vazhduar karrierën si basketbollist.

I biri i ish-lojtarit të Prishtinës, Afrim Ismajlit, Joni që ka nënshkruajtur me njërën prej gjimnazeve më cilësore (TOP-10) aktualisht në SHBA, konkretisht në shtetin e New Jersey, tashmë është bartur atje për të vazhduar karrierën.

”Ardhje e re në familjen e basketbollit GSB. Jon Ismajli 1.94 centimetra Pra. Vjen nga ekipi kombëtar i Kosovës. I ri shumë i talentuar. Pres me padurim për ta trajnuar këtë djalë të ri”, ka shkruajtur trajneri shqiptar, Mërgim Sina me rastin e shkuarjes së Jonit atje.

Gjimnazi në të cilin është transferuar Joni, quhet Gill St.Bernard’s dhe në radhët e veta momentalisht ka dy lojtarë shumë të talentuar që janë kandidatë seriozë për të arritur në NBA, e kjo do të thotë se Joni do të ketë konkurencë të madhe në ekip, por gjithmonë është vërtetuar se rivaliteti të ‘kalit’ dhe të jep mësim, andaj padyshim kemi besim se Joni do ta kalojë këtë sfidë pozitivisht dhe ti mbërrijë majat e basketbollit në ardhmen.

Në fakt, Joni ka kaluar te shkolla ”Gill St.Bernard’s” me insistimin e trajnerit shqiptar i cili prej vitesh punon si trajner kryesor, bëhet fjalë për Mërgim Sinën, 55 vjeçarin e lindur në Itali.

Të kujtojmë se Joni është 16 vjeç dhe hapat e parë në basketboll i ka marrë te skuadra e M-Junior që drejtohet nga ish-basketbollisti i spikatur Bekim Maxhuni, për të debutuar në stinorin që lamë pas me ekipin e parë të Sigal Prishtinës, gjersa edicioni i ri pritet ta gjejë jashtë Evropës dhe në vendin më të zhvilluar për basketboll, USA.

Djaloshi i ri prishtinas gjatë vitit të kaluar luajti edhe me Kosovën U16 në Evropianin sfidues për Divizionin C i organizuar në Prishtinë, të cilin djelmoshat e rinjë arritën ta fitojnë e Joni ishte prej lojtarëve kryesorë, ai edhe sivjet është pjesë e Kosovës U18 për Evropianin – Divizioni B, që zhvillohet në Rumani gjatë ditëve në vijim.

/AsistiOnline.com/

Lexo edhe:

JON ISMAJLI TRANSFEROHET NË NJËRËN PREJ GJIMNAZEVE MË TË FORTA NË SHBA