Konfirmohet lajmi i ASIST-it, Prakuraitis merr drejtimin e Bashkimit

Prishtinë(AsistiOnline) – Skuadra e Bashkimit e ka konfirmuar lajmin që AsistiOnline.com e paralajmëroi ditë më parë.

Portokallinjët e kanë zyrtarizuar në krye të ekipit, trajnerin lituanez, Audrius Prakuraitis i cili pritet ta marrë skuadrën shpejtë në dorë.

Njoftimi i plotë dhe pa ndërhyrje i klubit:

Të dashur qytetar,

Të nderuar simpatizant të KB Bashkimi,

Për të ngritur nivelin e lojës së ekipit tonë, kryesia e KB Bashkimi ka vendosur që ekipit tonë t’i bashkohet një trajner kampion dhe fitues i kupës në Kosovë.

Bëhet fjalë për trajnerin e mirënjohur nga Lituania, Audrius Prakuraitis, me të cilin synojmë suksese të mëdha me ekipin tonë. Prakuraitis në sezonin 2016/17 pati dominuar plotësisht në basketbollin kosovar, duke fituar titullin dhe kupën me Prishtinën dhe e njeh shumë mirë ligën tonë.

Ai ka karrierë të suksesshme edhe në Rumani, Estoni, Ukrainë dhe Bahrein. Aftësitë e tij për ta drejtuar ekipin drejt sukseseve, e bëjnë të veçantë trajnerin e njohur nga Lituania. Prakuraitis gjatë këtyre ditëve do të jetë në Prizren.

Mirësevjen coach Prakuraitis!

Na priftë e mbara!

/AsistiOnline.com/