Kalev/Cramo kundërshtari i sotëm i Prishtinës në ENBL

Prishtinë(AsistiOnline) – Për të dytën ditë me radhë ndeshje për Sigal Prishtinën në ”ENBL League”.

Ekipi kryeqytetas kosovar sot luan ndaj klubit estonez ”Kalev/Cramo në kuadër të xhiros së dytë.

Ditën e djeshme dy ekipet e nisën stinorin me disfata, Prishtina pësoi nga Budivelnyku e Kalev/Cramo u mposht nga Zielona Gora, andaj fitorja për të dyja skuadrat është imperativ kryesor.

Përballja mes dy ekipeve starton nga ora 15:00 me kohën tonë dhe pritet të transmetohet direkt në Facebook e linkun ju sjellim me pesëshet startuese.

Të kujtojmë se Prishtina dhe Kalev/Cramo sivjet janë takuar edhe në gjysmëfinale të kualifikimeve për FIBA Europe Cup e ku fitoi thellë ekipi estonez 98-61.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com