Vëllaznimi triumfon ndaj Ponte Prizrenit, konfirmohet në garë për ”play off”

Prishtinë(AsistiOnline) – Vëllaznimi i Prizrenit e ka arritur edhe fitoren e gjashtë sezonale në elitën e basketbollit kosovar.

Kuqezinjët sonte mposhtën Ponte Prizrenin në ”Shani Nushi” me rezultat 74-66.

Ndeshja nisi shumë ngushtë me vendasit që fituan çerekun e parë 18-17, megjithatë i dyti (21-9) ishte më i frytshëm për gjakovarët që thelluan diferencën dhe shkuan në pushim me epërsi dyshifrore 39-26.

Në pjesën e dytë, Ponte Prizreni e nisi më mirë duke tentuar rikthimin me fitimin e çerekut të tretë (18-24), por vendasit nuk lejuan përmbysjen dhe në periodën finale arritën ta mbanin ndeshjen nën-kontroll (17-16), duke fituar atë me meritë.

Te Vëllaznimi më i miri ishte Jordan Harris me 20 pikë e tri kërcime, kurse te Ponte Prizreni më të mirët ishin Dachon Burke me 25 pikë, gjashtë kërcime e katër asistime dhe Urim Zenelaj me 18 pikë e nëntë kërcime.

/AsistiOnline.com/