Prishtina dhe Rahoveci sot zhvillojnë ndeshjen e shtyer

Prishtinë(AsistiOnline) – Xhiro e 13-të e elitës sonë kosovare mbyllet sonte në Prishtinë.

Sigal Prishtina dhe Rahoveci takohen në kryeqytet, për të kërkuar fitoren e cila është shumë e rëndësishme sidomos për Rahovecin.

Deri tani, prishtinasit kanë tetë fitore e katër humbje, kurse Vreshtarët janë në një pozitë më të pa lakmueshme me dy fitore e dhjetë humbje.

Ndeshja ishte e paraparë të luhej për ditën e djeshme, por Federata e Basketbollit të Kosovës njoftoi se ndeshja është shtyer për shkak të mungesës së mjaftueshme të forcave policore në palestër.

Edhe pse sot nuk ka pasur ndonjë njoftim nga FBK-ja dhe klubi i Prishtinës lidhur me terminin e ri, skuadra e Rahovecit ka paralajmëruar në faqen zyrtare se dueli luhet sonte nga ora 19:00.

Kjo ndeshje është e paraparë të transmetohet direkt në KSport1 në të gjitha platformat televizive vendore në kanalet e sportit.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com