Muhammed Thaçi jep dorëheqje nga pozita e trajnerit te Rahoveci

Prishtinë(AsistiOnline) – Edhe një largim i trajnerëve nga skuadrat elite kosovare.

Është Muhammed-Mujo Thaçi që së fundmi ka dhënë dorëheqje nga pozita e kryetrajnerit te skuadra e Rahovecit, ka mësuar AsistiOnline.com

Të kujtojmë se skuadra e Rahovecit sivjet kaloi në formë tejet të dobët, për çka edhe renditet si e fundit në tabelë e  për këto është folur shumë shpesh edhe në intervista të ndryshme se skuadra “vreshtare” ka qenë ekip me buxhet më të ulët dhe pruarje jo cilësore shkaku i telasheve financiare.

Sipas burimeve të AsistiOnline.com, ndarja mes Mujës dhe klubit “vreshtar” ka ardhur me marrëveshje të dyanshme dhe miqësore.

Rahoveci edhe gjatë afatit kalimtar veror, kishte qenë skuadra me më së paku risi në transferime e kjo si duket ka ndikuar që edhe forma e tyre të jetë më e dobët.

/AsistiOnline.com/