Ekskluzive: Peja afër marrëveshjes me organizatorin kualitativ nga NBA-G League?

Prishtinë(AsistiOnline) – Ndryshimet duket se tashmë janë të pashmangshme në radhët e kampit pejan.

Verdhezinjët që në pjesën e dytë të kampionatit po ballafaqohen me rezultate negative, tashmë duket se kanë gati ndryshimet e para në roster.

AsistiOnline.com ka mësuar se Peja është afër marrëveshjes me organizatorin amerikan, Quade Green i cili është një lojtar tejet kualitativ dhe vjen nga një ligë e fuqishme.

Lojtari në fjalë, është i gjatë 183 centimetra dhe luan në pozitat 1/2.

25 vjeçari në 4 sezonet e fundit ka luajtur në NBA-G League me ekipe si: Maince Celtics, Lakeland Magic, Grand Rapids Golds dhe së fundmi te Oklahoma City Blue.

Ndërsa në fillim të karrierës, ishte paraqitur me dy kolegjet amerikane, Kentuck Wildcats e Washington Huskies.

AsistiOnline.com do të vazhdojë të u mbajë të informuar në lidhje me rrjedhën e zhvillimeve më të fundit te ekipi pejan.

/AsistiOnline.com/