Dueli hapës i xhiros sot në Pejë

Prishtinë(AsistiOnline) – Sot zhvillohet dueli i parë i xhiros së 21-të në elitën e basketbollit kosovar.

Takohen dy ekipe që në vitet e fundit e kanë shtuar konsiderueshëm rivalitetin edhe pse sivjet me fitore dominon Peja.

Pejanët kanë pasur një rënie në xhirot e fundit, sidoqoftë, renditen në vendin e tretë me 13 fitore e shtatë humbje, kurse ‘vreshtarët’ janë në vendin e fundit me dy fitore e 18 humbje.

Kjo ndeshje fillon nga ora 17:00 dhe transmetohet direkt në kanalin e sportit, KSport2 në të gjitha platformat televizive vendore etj.

Për çdo risi para e gjatë ndeshjes, rezultatin pas çdo çereku, por edhe raportin final, i gjeni në ueb-sajtin e vetëm në shqiptari, dedikuar ekskluzivisht basketbollit  – AsistiOnline.com