Rahoveci përforcohet edhe me një qendër të fuqishme dhe me eksperiencë

Prishtinë(AsistiOnline) – Përkundër gjasave të vogla, skuadra e Rahovecit duket se s’po dorëzohet sa i përket mbetjes në elitën e basketbollit kosovar.

‘Vreshtarët’ kanë arritur marrëveshje me një qendër të huaj dhe mjaftë kualitative e që mund të bëjë dallimin.

Bëhet fjalë për amerikanin, Jonathan Holton i cili është i gjatë 206 centimetra.

Përpos karrierës në SHBA me kolegjin dhe një ekip tjetër, Holton ka luajtur në Argjentinë, Meksiko, Hungari, Holandë e Estoni me ekipin e famshëm Kalev/Cramo, madje edhe në VTB League.

Holton pritet të arrijë në Rahovec, minimalisht para ndeshjeve të Kupës.

/AsistiOnline.com/