Sonte El Clasico e basketbollit kosovar, Prishtina dhe Trepça hapin serinë gjysmëfinale të play off-it

Prishtinë(AsistiOnline) – Sonte fillon seria tjetër gjysmëfinale e play off-it në Superligën e basketbollin kosovar te meshkujt.

Prishtina dhe Trepça takohen në duelin e parë të kësaj serie e cila cilësohet si finale para finales, pasi të dyja ekipet sivjet ishin përforcuar në merkato deri në ‘dhëmbë’.

Dy skuadrat deri tani kanë fituar nga një trofe, prishtinasit triumfuan në Superkupë, ndërsa mitrovicasit për Kupë, duke mundur në finale pikërisht njëra-tjetrën.

Në garat e rregullta të Superligë, bardhekaltrit përfunduan në pozitën e parë me 22 fitore e gjashtë humbje, kurse ‘Xehetarët’ në vendin e katërt me 17 fitore e 11 humbje.

Në pesë duelet e fundit, kryeqytetasit prijnë me katër fitore karshi një fitore të mitrovicasve.

Sfida e sontme fillon nga ora 20:30 dhe transmetohet direkt në Sport1 në të gjitha platformat televizive vendore.

Ndeshjet gjysmëfinale luhen me sistem 1-1-1-1-1 (vajtje-ardhje) pra një në Pejë e një në Therandë dhe anasjelltas, derisa njëri ekip të arrijë tri fitore.

/AsistiOnline.com/