Prishtina zyrtarizon vazhdimin e bashkëpunimit me Derrick Wilsonin

Prishtinë(AsistiOnline) – Plejmejkeri prishtinas, Derrick Wilson do të mbetet pjesë e bardhekaltërve për së paku edhe një edicion.

Kështu ka njoftuar sot klubi prishtinas nëpërmjet një njoftimi në faqen zyrtare.

”Pllejmejkeri më i mirë i sezonit të kaluar dhe njëri nga lojtarët më të mirë që kanë zbarkuar në Kosovë, fantastik në të dy repartet, i pëlqyer dhe i kërkuar nga të gjitha ekipet kosovare, ka vendosur të vazhdojë me ekipin më të trofeshëm shqiptar”, shkruan njoftimi i klubit bardhekaltër.

Wilson në edicionin që lamë pas, ishte prej lojtarëve kryesorë te Prishtina dhe ndër më të mirët në ligë, andaj duket se kjo ka shtyer drejtuesit e klubit prishtinas, t’ia vazhdojnë kontratën. /AsistiOnline.com/