Pak ditë nga Evropiani, Kosova U20 (M) vazhdon përgatitjet intenzive

Basketbollistët e Kosovës U20 në konkurrencën e meshkujve po vazhdojnë me përgatitje për garat ndërkombëtare.

Të udhëhequr nga Dritëro Sefaja, njoftimi i FBK-së shkruan se lojtarët janë të motivuar për suksese dhe po japin më të mirën në stërvitje.

U20M gjithashtu ka zhvilluar miqësore me Shqipërinë, kurse sot dhe nesër do të luajë me U18 të Malit të Zi, miqësore që do tu ndihmojnë të jenë sa më të gatshëm për garat evropiane.

Kosova U20 do të përballet me Suedinë, Gjeorgjinë, Azerbajxhanin dhe Ukrainën në FIBA Kampionatin Evropian, Divizioni B, që mbahet në Shkup të Maqedonisë Veriore nga 7 deri më 16 korrik.