Bashkimi emëron trajner Alek Jonçevskin

Prishtinë(AsistiOnline) – Aleksander Jonçevski është rikthyer përsëri në basketbollin kosovar.

Maqedonasi është emëruar sot trajner i ri i Bashkimit të Prizrenit.

“Marreveshja me trajnerin është arritur tashmë dhe Joncevski të premten do ta nisë punën me skuadrën. KB Bashkimi i uron shumë suksese trajnerit tonë të ri Aleksandar Joncevski, i cili do ta drejtojë skuadrën nga pankina për herë të parë të shtunën në ndeshjen e xhiros së 13’të Superligës me Trepçën në Mitrovicë”, shkruan njoftimi i klubit.

Jonçevski në edicionin e kaluar në disa ndeshje kishte drejtuar Trepçën, derisa ka drejtuar skuadra të shumta në Maqedoni si Gostivari, Kozhuvi, MZT Skopje.

Jonçevski është edhe selektor i Kombëtares së Maqedonisë së Veriut. /AsistiOnline.com/