EKSKLUZIVE & ZYRTARE: FURKAN SAGLIK EDHE PËR NJË SEZON TRAJNER I BASHKIMIT(F)

Prishtinë (AsistiOnline) – Turku Furkan Saglik do të jetë kryetrajner i skuadrës së Bashkimit në konkurencën e femrave edhe për një stinor.

Burime të ngushta të AsistiOnline.com pranë skuadrës nga Prizreni, kanë bërë me dije se Saglik do ta drejtojë skuadrën nga qyteti historik i Kosovës edhe për një stinor.

Sipas burimit në fjalë, Saglik dhe Bashkimi janë marrë vesh dhe se gjithçka ka përfunduar në mënyrën më të mirë sa i përket hedhjes së firmave.

Të kujtojmë se turku edhe stinorin e kaluar e drejtoi skuadrën e Bashkimit një muaj para fundit të stinorit. Përderisa, turku ka qenë edhe trajner i skuadrës turke Ormanspor dhe e ka drejtuar këtë skuadër në elitën e basketbollit të Turqisë.