KOSOVA ZHVILLOI EDHE MIQËSOREN E DYTË ME SLLOVAKINË

Përfaqësuesja e Kosovës A, zhvilloi dy ndeshje miqësore me Sllovakinë në udhëtim në Sllovaki.

Këto ndeshje janë shumë me rëndësi për të parë se ku qëndron forma e “dardanëve” për ndeshjet parakualifikuese për Eurobasket 2021, ku Dardanët do të ballafaqohen me Luksemburgun dhe Britaninë e Madhe.

Sa i përket ndeshjes së fundit me sllovakët, vendasit e Sllovakisë arritën fitore me rezultat 82:65.

Mikaile Tmusiq me 20 pikë dhe Lis Shoshi me 14 pikë, ishin më të dalluarit tek Kosova.

Dy ndeshjet miqësore i ndihmojnë përzgjedhësit Damir Mulaomeroviq për të parë formën e lojtarëve, para ndeshjeve të muajit gusht. Sfida e parë për Kosovën do të jetë ndaj Luksemburgut në udhëtim më 3 gusht.