Kenan Spahiu në zyret e FBK-së, takohet me drejtuesit e saj

Federata e Basketbollit të Kosovës, ka njoftuar mbrëmë se kryetari i saj, Arben Fetahu dhe sekretarja e përgjithshme, Elvira Dushku, së bashku me drejtorin e Programeve dhe Projekteve Zhvillimore në FBK, Granit Rugova kanë pritur në një takim basketbollistin e njohur, Kenan Spahiu.

Në njoftim thuhet se drejtuesit e FBK-së e kanë uruar për karrierën e tij të bujshme në Evropë, si dhe i kanë dëshiruar shumë fat për të ardhmen.

Sipas njoftimit, Kenani është shprehur i kënaqur me pritjen që i është bërë, duke falënderuar drejtuesit e FBK-së, njëkohësisht duke i uruar për organizimet që do t’i kenë gjatë verës, si dhe shumë fat me paraqitje në arenën ndërkombëtare.

Vlen të ceket se Kenani ka lindur në Prishtinë, derisa ka luajtur në Tofas, Fenerbahçe, Karsiyaka, Besiktas, Real Betis, Fenerbahçe Beko, Casademont Zaragoza, Besiktas, Pinar Karsiyaka dhe për kombëtaren e Turqisë.