Ekskluzive: Datat e fillimit të edicionit të ri në basketbollin kosovar

Prishtinë(AsistiOnline) – Federata e Basketbollit të Kosovës ka filluar me përgatitjet për edicionin e ri garues 2024/25 në basketbollin tonë.

Siç ka mësuar AsistiOnline.com tashmë janë përcaktuar datat e mbajtjes së Superkupës dhe sezonit të Superligës së Kosovës.

Sipas parashikimeve, Superkupa e Kosovës pritet të mbahet me datat 7-11 shtator.

Derisa edicioni i ri i Superligës së Kosovës pritet të startojë me 14/15 shtator, që i bie pak ditë pas mbajtjes së Superkupës.

Trepça dhe Peja sivjet do të luajnë në garat ndërkombëtare, ku Trepça do të luajë kualifikimet në Ligën e Kampionëve me datat 16/22 shtator e Peja do paraqitet me datat 24/27 shtator në kualifikime për FIBA Europe Cup. /AsistiOnline.com/