Pas 6 vitesh rikthehet një derbi lokal në kryeqytet, Prishtina sot e pret Borën

Prishtinë(AsistiOnline) – Pas një kohe të gjatë pa derbi lokal, më në fund edhe kryeqytetit sivjet ju rikthye një i tillë në basketboll.

Me inkuadrimin e KB Bora në Superligën e Kosovës, Sigal Prishtina tashmë e ka një konkurrent përbrenda komunës së saj.

Sot me fillim nga ora 17:15 në Pallatin e Rinisë dhe të Sporteve në kryeqytet, Prishtina e pret Borën, në ndeshjen hapëse të xhiros së dytë në elitën e basketbollit kosovar.

Në xhiron e parë të dyja ekipet pësuan disfata, Bora që u mposht nga G.E Ylli e Prishtina pësoi nga P.C Prizreni.

Sfida e sotme përpos në Sport1, transmetohet edhe në Klan Kosova. /AsistiOnline.com/