Sonte fillon xhiro e mesjavës, luhen dy ndeshje tejet interesante

Mesjava sjell super përballje në Superligën e Kosovës në basketboll, ku zhvillohet xhiroja e 18-të.

Sonte do të përballen Bashkimi me Borën, në një sfidë të rëndësishme. Prizrenasit kanë 12 fitore e pesë humbje, ndërsa e kundërta është me prishtinasit që kanë pesë fitore e 12 humbje.

Sfidë mjaft interesante sonte luhet edhe ndërmjet dy skuadrave verdhezi, ish-kampionëve të Kosovës, Pejës dhe Golden Eagle Yllit. Pejanët kanë dhjetë fitore e shtatë humbje, derisa e kundërta me therandasit me shtatë fitore e dhjetë humbje.

Të dyja ndeshjet nisin nga ora 18:30.