Tjetër sukses i Vlora Brahës, komisionere në ndeshjen kualifikuese të Eurobasketit për femra

Vlora Braha sonte për herë të parë e ka ushtruar rolin e Delegates Teknike në një ndeshje kualifikuese për FIBA Kampionatin Evropian 2025 për Femra.

Ajo ka qenë Delegate Teknike në ndeshjen mes Turqisë dhe Islandës, që u zhvillua më 6 shkurt në Izmit, nga ora 17:00 e ku fitoi Turqia 83-76.

Braha ka qenë më parë shoqëruese e Delegatit Teknik në disa ndeshje kualifikuese të këtij kompeticioni.

Pas një pune të suksesshme dhe vlerësimeve pozitive nga FIBA, ajo tani është emëruar në rolin e Delegates Teknike, duke shënuar një moment historik për basketbollin kosovar dhe duke u bërë kështu Delegatja e Parë Teknike e Federatës së Basketbollit të Kosovës në të dyja konkurrencat.

Ky është një hap i rëndësishëm për basketbollin kosovar në arenën ndërkombëtare dhe një shembull i qartë për zhvillimin e profesionistëve të rinj në sport.