PRESIDENTI I EUROLIGËS: VENDIMI PËR ANULIM, MË I VËSHTIRI NË HISTORINË E GARËS

Prishtinë(AsistiOnline.com) – Gara më e fortë e basketbollit në Evropë, Euroliga njoftoi sot se zyrtarisht e ka mbyllur stinorin 2019/20, shkaku i rrezikut nga pandemia COVID-19.

Pas marrjes së vendimit Presidenti i Euroligës, Jordi Bertomeu tha se vendimi për mbylljen e parakohshme të këtij stinori është më i vështirë që kanë pasur në historinë e tyre 20-vjeçare dhe se shterruan çdo mundësi për të rifilluar stinorin, por që nuk guxon të rrezikohet shëndeti i njerëzve.

AsistiOnline.com ju sjellë pjesën thelbësore të deklaratës së tij:

“Pa dyshim, ky është vendimi më i vështirë që ne kemi pasur të marrim në historinë tonë 20-vjeçare. Për shkak të arsyeve përtej kontrollit tonë, ne jemi detyruar të shkurtojmë sezonin më të suksesshëm dhe emocionues në historinë e basketbollit evropian. Kjo vjen pas dy muaj e gjysmë në të cilin të gjithë aktorët e ligës ruajtën vendosmërinë e tyre dhe shterrën çdo rrugë të mundshme në përpjekjen për të ofruar një sezon të plotë dhe unikalisht të veçantë për tifozët tanë, pasioni i të cilit është forca shtytëse për të gjitha përpjekjet tona.

Natyrisht, kemi pasur shumë motivime për të rifilluar sezonin 2019-20, por në një situatë kaq të jashtëzakonshme, duhet ta vendosim shëndetin e njerëzve para dhe përpara çdo interesi tjetër: lojtarët tanë, trajnerët tanë, gjyqtarët tanë, klubet tona, stafi i tyre , stafi ynë i ligës, transmetuesit tanë dhe të gjitha familjet e tyre. Duke bërë kështu, ne i qëndrojmë besnik besimeve tona dhe asaj që duam.

Në muajt e ardhshëm kemi vetëm një mision: të bëjmë gjithçka në fuqinë tonë për t’i ndihmuar klubet tona të kthehen më të forta, dhe të ndërtojmë versionin më të mirë të së ardhmes – në dhe jashtë palestrave – sepse kur mund të ribashkohemi me tifozët. Ky nuk është një fund, por një fillim i ri.” tha Bertomeu. /AsistiOnline.com