OBRADOVIQ UDHËTON DREJT STAMBOLLIT, PRITEN BISEDIME ME KRERËT E FENERIT
Prishtinë(AsistiOnline) – Trajneri më i trofeshëm në historinë e basketbollit evropian, Zheljko Obradoviç, do të arrijë në Stamboll të hënën për të diskutuar të ardhmen e tij me menaxhmentin e Fenerbahçes për stolin e gjigantit turk, raportojnë mediat turke sot.
Sipas mediave turke, fati i trajnerit serb duhet të dihet nga mesi i javës që po vjen, sepse ai do të zhvillojë bisedime me pronarët e ekipit nga Stambolli. Në takim pritet që të diskutohet, për pagën e teknikut serb nëse bashkëpunimi zgjatet e që me gjasa kjo pritet të ndodhë, përcjellë AsistiOnline.com
Është interesante që klubi turk i ofroi Obradoviçit një aeroplan privat që do ta merrte atë nga Beogradi për në Stamboll, por që Obradoviç vendosi të vinte në Turqi me një fluturim të rregullt tregtar.
Obradoviç ka qenë me Fenerbahçen që nga viti 2013, dhe suksesin më të madh me të verdhët e arriti në vitin 2017, kur fitoi Euroligën.
Para Fenerbahçes, Obradoviç drejtoi Partizanin, Juventudin, Real Madridin, Benetton dhe Panathinaikosin. Në karrierën e tij të ndritshme, deri tani ai fitoi 41 tituj, dhe me sukses të madh drejtoi edhe ekipin kombëtar të FR Jugosllavisë. /AsistiOnline.com
Komentet janë të mbyllura.