MBYLLEN NDESHJET E MBETURA, PEJA LIDERE E SUPERLIGËS

Prishtinë(AsistiOnline) – Janë mbyllur edhe dy ndeshjet e fundit, të mbetura nga xhiro e pestë e Superligës së Kosovës te meshkujt.

Bëhet fjalë për sfidat, Trepça-Peja dhe Ponte Prizreni-Prishtina, që ishin shtyer si pasojë e paraqitjes së COVID-19, tek disa prej skuadrave, por kjo mbetet vetëm e kaluar, ngase skuadrat kosovare së paku aktualisht, tashmë janë pastruar nga ky virus.

Në duelin e së shtunës, Peja mposhti në udhëtim Trepçën, 58-72 dhe kështu e konfirmoi formën e lartë nëpër të cilën po kalon ekipi pejan, duke mbetur si ekipi i vetëm i pamposhtur në elitën e basketbollit kosovar.

Në anën tjetër, dje Prishtina mposhti poashtu në udhëtim, Ponte Prizrenin me rezultat të ngushtë, 85-89, duke u rikthyer tek fitoret, pas dy disfatave radhazi dhe kështu tregoi se mbetet ”arrë” e fortë për ekipet edhe pse me lojtarë 100% vendorë.

Pas xhiros së pestë në elitën kosovare të basketbollit për meshkuj, tabela duket kështu:

1.Peja                      10 pikë

2.Ylli                          9 pikë

3.Rahoveci               8 pikë

4.Ponte Prizreni      7 pikë

5.Trepça                   7 pikë

6.Sigal Prishtina      7 pikë

7.Bashkimi               6 pikë

8.Vëllaznimi             6 pikë

/AsistiOnline.com/