YLLI VAZHDON FORMËN E MIRË, FITON DERBIN NDAJ PEJËS

Prishtinë(AsistiOnline) – Golden Eagle Ylli e ka vazhduar formën e mirë, që nga ardhja e trajnerit të ri të ekipit, Fatih Gezer.

Therandasit kanë arritur të triumfojnë në shtëpi, në derbin e xhiros së 12-të ndaj Pejës me rezultat të përgjithshëm, 89-73.

Sfida ishte kryesisht e barabartë sidomos në pjesën e parë me Yllin që e nisi më mirë për pak noanca, duke fituar dy periodat fillestare të ndeshjes(20-14, 20-19) dhe pjesa e parë u mbyll, 40-33, në favor të ekipit vendas.

Në pjesën e dytë, Peja u këndell duke e fituar çerekun e tretë, 16-23 dhe perioda e katërt nisi me rezultat të barabartë, 56-56. Në çerekun e fundit dhe vendimtar, Ylli riktheu lojën e mirë, duke fituar çerekun e katërt me 16 pikë diferencë dhe në fund arriti fitore të merituar.

Vetëm tre basketbollistë arritën pikë dyshifrore në fitoren e Yllit sot, Cody John(27), Valon Bunjaku(22) dhe Samir Zekiqi(16).

Te Peja s’mjaftuan për fitore, Robert Cartwright me 26 pikë, transferi i ri Brandon Walters debutoi me double-double(16pk, 13krc), si dhe Marko Peroviç që shtoi 10 sosh.

Në xhiron e radhës, Ylli zhvillon derbin me Rahovecin e Peja e pret Vëllaznimin.

/AsistiOnline.com/