Prishtinë(AsistiOnline) – Skuadra e Bashkimit në konkurencën e femrave, ka rikthyer në skuadër basketbollisten vendore, Ulpiana Emra.
Klubi prizrenas ka njoftuar nëpërmjet llogarisë zyrtare në Facebook, se ka transferuar në skuadër, lojtaren e mëhershme të ekipit, Ulpiana Emra.
Emra që është basketbollistja më e trofeshme prizrenase, përpos Bashkimit ka luajtur edhe për Prishtinën e Penzën, ndërsa pritet që të sjellë freski të dukshme, tek ekipi që e mbylli stinorin vjeshtor në pozitën e parë në tabelë.
Përpos Emrës, Bashkimi ka shtuar në ekip edhe Vlera Vraniqin e lojtaren e huaj, Teodora Sariç.
/AsistiOnline.com/
