REVANSHI I KUPËS SË KOSOVËS, EKSKLUZIVISHT NË ARTMOTION

Prishtinë(AsistiOnline) – Ditën e sotme zhvillohet super-derbi i basketbollit kosovar në elitën e femrave që pritet të jetë i jashtëzakonshëm.

Skuadrat më të mira në vitet e fundit në basketbollin kosovar femëror, Bashkimi dhe Prishtina, takohen sonte në kuadër të xhiros së 13-të në Superligën e Femrave, në një ndeshje që pritet të jetë tepër interesante.

Të dielën që po e lëmë pas, Bashkimi dhe Prishtina u ndeshën edhe në finale të Kupës së Kosovës, ku triumfoi skudra kryeqytetase me rezultat të ngushtë, 75-71. Ndërsa ndeshja e sontme pritet të jetë edhe më interesante për faktin se dy ekipet luajnë edhe më të motivuara.

Bashkimi do të hyjë në këtë sfidë për t’ju revanshuar Prishtinës, përderisa kjo e fundit synon të vazhdojë me fitore në edicionin pranveror të basketbollit femëror.

Ndeshja transmetohet direkt në Platformën më ekskluzive dhe më atraktive në vendin tonë, Art Motion, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com

/AsistiOnline.com/