VËLLAZNIMI MPOSHT EDHE YLLIN, SHPRESË E MADHE PËR MBIJETESË

Prishtinë(AsistiOnline) – Vëllaznimi e ka arritur edhe një fitore shumë të madhe në Superligën e Kosovës, duke mposhtur Yllin.

Gjakovarët kanë triumfuar me shumë meritë ndaj Yllit në Therandë me rezultatin përfundimtar, 60-56.

Ndeshja nisi ngushtë me Vëllaznimin që i fitoi dy periodat fillestare të ndeshjes (13-12, 12-9) dhe shkoi në pushimin mes pjesëve me avantazh 25-21.

Në pjesën e dytë, Ylli arriti të rikthehet në lojë duke e fituar çerekun e tretë (16-20) dhe periodat e fundit nisi me rezultat të barabartë 41-41. Në çerekun vendimtar, përkundër lodhjes dhe ndërrimit të paktë të 5shes së parë, gjakovarët luftuan shumë dhe fituan këtë pjesëlojë(19-15) shumë të rëndësishme e cila ju solli fitoren e madhe.

Individët më të dalluar në këtë fitore të madhe të gjakovarëve sot ishin: Emmanuel Omogbo me double-double(17pk, 11krc), Ty Nichols me 15 pikë dhe Robert Shestani e Andi Shehu me nga 11 pikë që të dy.

Te Ylli s’mjaftuan për fitore: Valon Bunjaku me 15 pikë, Mitchell Wilbekin me 13 pikëe L.G Gill me 13 pikë.

Me këtë fitore, Vëllaznimi vazhdon shpresat për mbetje në Superligë, përkohësisht ngjitet në pozitën 6-të me 35 pikë, 9 fitore e 17 humbje. Ndërsa, Ylli mbetet në pozitën e dytë me 42 pikë, 16 fitore e 10 humbje.

Në xhiron e ardhshme, Vëllaznimi e pret rivalin direkt për mbetje në elitë, Sigal Prishtinën e Ylli e luan derbin ndaj Pejës.

/AsistiOnline.com/