DRITA LIDERE, MEGASPORTI NË ”PLAY OUT” E NË ”PLAY OFF”…
Prishtinë(AsistiOnline) – Ditën e djeshme me dy ndeshjet e fundit në planprogram ka përfunduar stinori i rregullt në Ligën e parë të Kosovës.
Marigona Hill Prishtina e ka fituar biletën e fundit për ”play off”, duke lënë jashtë New Basketin edhe pse këta të fundit fituan ndaj Megasportit.
Në anën tjetër, Megasporti me humbjen nga rivali lokal, mbeti në vendin e parafundit dhe tash do të luajë në ”play out”, për ti shpëtuar rënies.
Drita e mbylli këtë edicion të Ligës së parë si lidere me vetëm një humbje e në ndjekje të saj Istogu.
Përderisa, Lipjani për të dytin vit rresht bie edhe nga Liga e parë për në Ligën e dytë.
Skuadrat që do të ndeshen në ”play off” janë: Rc Cola Drita vs Marigona Hill Prishtina dhe Istogu vs As Prishtina.
Ndeshjet e para të ”play off”-it, pritet të luhen gjatë fillimit të javës së ardhshme.
/AsistiOnline.com/
Komentet janë të mbyllura.